چوومه لای دوکتۆر و گوتی
نەخۆشی دەردەکەت سەخته
گوتم:تۆ پێت وایه دەمرم؟
بەداخەوە گوتی وەخته
ئەو دڵه کوتەی تۆ گرتووته
پیاوی بە هێزیش بیگرێ
بێتوو ئاگای لە خۆی نەبێ
هێندەی پێ ناچێ دەمرێ
پێکەنیم و گوتم دوکتۆر!
ناڵێم زانا و شارەزا نی
بەڵام تۆ پزیشکی ویشکی
باری دڵداری نازانی
دڵەکوتەم نییه،دڵم
جێی کچێکی خانومانه
منداڵە،ئوقرەی ناگرێ
بۆم دروست کردەوە جۆلانه
خوشه ویستی؟؟؟؟!!!! شاڵاوی ئاخ و ئۆفی شەو نەخەونیم , بریسکەو هەوره تریشقەی ئەوینداریم,شەپوڵی بێ ئەمانی ئوقیانوسی جوانی پەرەستیم, زستان و سەهوڵ بەندانی کەسەرەی ژیانم, بومەلەرزەی پڕ کارەساتی دڵی تەنیام, وەک ڕێچکه یەک شۆینی پێی کانیاوی دوره رێگەی جوانی را دەکێشم و بەرەو مێشکی بێ سنوری خامه, هەتا پێی بنوسم
ئەی جوانترین بەهاری کەس نەدیوی ژیان خوشەویستم (....) سڵاو!!
سڵاو هەموو جارێ له جاران که ناوی پاکت له سەر لێوم وەک بەلەمێکی بێ سەرنشین لەنگەر ئەگرێت و رۆحی سەر شێتم وەک هەڵۆیەکی تێژ باڵ بەرەو دووندی کێوه بەرزەکان باڵ ئەگرێت و کێوەکان مەحکومی ژێر باڵی خۆی ئەکا
هەموو ساڵێک کە وەرزی ڕاو دێ , دڵی من له جێی خۆی نەماوه و ئەبینم که به تەڵێک له مووی پرچی پەخشانت نەنگێوتراوه
من کە ڕاوچی یێکی ماندووی ئەم رۆژگاره بێ بەزەییەم کەپێم وایه به دوایین مەنزڵگای خۆم گەیشتووم و ئەبێ بناغەی ژین و ژیان له پەنای ئەم گوڵاڵه سوورەیەدا بڕێژم و, واش وێ ناچێ که تۆ, تۆی ئازیزترو جوانتر له هەموو جوانانی دونیا, دڵی پڕ تین و سۆزم ڕەشپۆش کەیت
بۆ دوایین جار ئەڵێم, بۆنم کردووی مەستت کردووم, سەرخۆشی تۆم هەتا له دونیادا مابم.بە ووشەیێکی جوان به سۆزێکی ناسک, ئازادم که, دڵ خۆشم که, له خۆشی خۆت بەشدارم که.
دیسان له ناو ژووری بێ کەسیم حاڵم خراپ بووەسەوه
دیسان له ناو سۆزی ترس ئێژی زمانم سەهۆڵی بەستووه
دیسان خۆم نازانم چیم به سەر هاتووه
دیسان منو تەپۆڵکەی دیسان و دیسانەوە
دیسان منو رۆیای نازەوە
دیسان منو ژیان بە ترسەوە
دیسان منو کانی ڕازەوە
بەڵام ئەمەوێ ئەم جار جۆرێک تر تەواو بێ
جۆرێک کە خۆم ئەمەوێ
جۆرێک دوور له رابردوو
ئەم جار ڕازی دڵم ئهیدەم بە دەستی هاوار
بە هەناسەیێک دەقیرێنم
به ووشەیێک
خۆشم ئەوێی خۆشم ئەوێی خۆشم ئەوێی خۆشم ئەوێی خۆشم ئەوێی خۆشم ئەوێی
خۆشم ئەوێی نە وەکوو خەم کە تەمەنێکە له ناو دیدەمە
خۆشم ئەوێی نە وەکوو ترس کە تەمەنێکە له ناو بیرمه
خۆشم ئەوێی نە وەکوو بووغز کە تەمەنێکە له سەر لێومه
خۆشم ئەوێی نە وەکوو مردن و نەمان کە تەمەنێکە له ناو لاشەمە
وەکوو هەموو رۆیاکانم نازو جووان خۆشم ئەوێی
وەکوو هەموو فرمێسکەکانم پاکوو یەک رەنگ خۆشم ئەوێی
((له فارسیەوە وهرم گێڕاوه به کوردی))
سەد جار مردن بۆ هەر ڕوانینێکت شانازی مێژوی ئهوینداریمه
لە ناو بێ کەسی لە گەڵ تۆ دەمێنمەوە
بێ تۆ ساتێکیش قەت نامێنمەوه
گەر بڕۆی دەرۆم
لە ناو بیرەوەریەکانم دڵم بۆت بیرەوەری دائەنێم
بهڵگهی ژیان بوونی ئەوینه
بهڵگهی ئەوین هیوای گەیشتن بە تۆیه
دەریغم لێ مەکە،خراپ دەبینی
لەم هەموو تاوانی دڵ سوتاندن
رۆژی نەبوونت ناو لاپەڕی رۆژژمێر
رۆژی مردنی منه لە سەر ئەم زەوییه
جێژوانمان با بمێنێ بۆ قیامەت
بەڵام بزانه
چیروکی من لە هەر کۆێ بم هەر ئەمەیە
((له فارسیەوە وهرم گێڕاوه به کوردی))
نیە باکم ئەگەر زاڵم شکاندوویەتی باڵی من
ئەوە سەخته کەوا ناگاته گوێی کەس ناڵه ناڵی من
بەهار هاتوو تەبیعەت حوکمی ئازادی مەلانی دا
لە ناو کونجی قەفەزدا دیاره چۆنه ئێسته حاڵی من
لە گوڵزاری بلبلی سەرمەست و شەیدا دێم
بەڵام نایه جریوێکیش لە هێلانەی بەتاڵی من
لە سەر ناچێته دەر ساتێ خەیاڵی بسکی خاوی تۆ
ئەگەرچی تێگەیشتم چاوەکەم خاوە خەیالی من
ئەرێ ئەی ئاسکی ناسک هەتا کەی دەستەمۆ نابی؟
ئەرێ ئەی پیرۆزەکەی خۆشفەر هەتا کەی نایه ماڵی من؟
گوتت:بۆت دێمه جێژوانێ،هەزار سۆێندت بە شاڵم خوارد
لە ئاهی ئاشقانه من بترسه،نەک لە شاڵی من
کەماڵت بێ کەماڵت بۆ چییه لەم شارە وێرانه
کەماڵی دەوڵەمەندی دی،گوڵم نەیویست کەماڵی من
ئەگەر دەیزانی مانای خۆشەویستی ئەم کچە کورده
بە سەد یاقوت و گەوهەر نەیدەدا فرمێسکی ئاڵی من
رەش و تارو درێژ و پر لە ئازارو خەموو دەردە
بەڵێ شەوگاری دوری بوو سەراسەر ژینی تاڵی من
ئەگەر رۆژێ رۆژباشم کرد،لات کردەوه
زەردەخەنە لە ناو گۆپکەی دەم و لیوتا بریسکاوه...
کەی عاشقم؟
ئەگەر رۆژێ لە دەرگات دام و وتت کێیه و
هاتیت دەرگات لێ کردمەوە لە ڕێگاوە...
بەناز وەڵامی ڕوانینی منت داوه ...
کەی عاشقم؟
ئەگەر رۆژێ بە ڕێکەوتی لەڕێ و بانێ
وتم گیانه بێنه دەستت،وتت هانێ،
بەڵێنت دا بۆ جێژوانێ...
کەی عاشقم؟
ئەگەر کرامه پەردەوە و لە شەڵاڵێ حەزی تۆدا و
لە گەرداوی هەڵپەی خۆما توامەوە
وەکوو بوخچه سەر ئاو کەوتوو لە باوەشتا کرامەوه...
کەی عاشقم؟
هۆ خەڵکینه ئەگەر رۆژێ منتان بینی
لە بەرۆچکەی لاماڵێکدا راکشابووم
نەکەس هەبوو وەڵامی پرسیارم باتەوه
نەکەس هەبوو دەرگاێیکم لێ کاتەوە
نەکەس هەبوو بڵێ ئەتۆ لە کۆێوە دێی،بۆ کوێ دەچیت؟
نەکەس هەبوو بڵێ ئەتۆ بەچی دەمری و بە چی دەژیت؟
به یار بڵێن بێ و بمداته بەر تیشکی چاو
دام بهێنێ وەک قژی خاو
تا بە سووتان دەردەکەوێ،کە من فەجرێکی سادقم!
ئەوسا لە سەر گشت قیبلەکان،
دەڵێم ئێستە من عاشقم.!
ساڵی1977 له سەنگاو له دایک بووه له ساڵی 1997ەوه شیعرەکانی له رۆژنامە و گۆڤارەکان بڵاودەکاتەوه،بەشیک له شیعرەکانی له لایان هونەرمەندانی کوردەوە کراون به گۆرانی،ساڵی 2005 کۆمەڵێ شیعری بەناوی مەهێلە کاڵ بیتەوه چاپ دەکا،ئێستا خۆێندەکاره لە بەشی راگەیاندنی کۆڵێژی مرۆییەکانی زانکۆی سلێمانی.
مەمک
ئێسته مەمکت..
دوو پشیلەی خڕی ماڵین
هەتا زێتر،
دەستیان به سەر سەرا بێنم
پتر چاوی حەز لێک دەنێن.
کەچی دوێنێ،
دوو باڕه کەوی کێوی بوون
هەتا شاباڵیم هەڵکێشان
سەد دەنووکیان دا لە دەستم!!
شاعیری ناوداری فارس "فروغ فهڕوخزاد[1935- 1967]" شێعرێکی ههیه به ناوی "دیو شب(دێوی شهو)"، که به خوێندنهوهی گۆرانی "لانک لانک لانکۆڵێ"ی "خهلیلی سهدیقی[1930- 1970]"م وهبیر دێتهوه. ههردووکیان وتهی دایکێکی خاوهن مێرد و منداڵن که دهگهڵ پیاوی دیکه دهست تێکهڵ دهکهن.
پیاوسالاریی وا ده كۆمهڵگای مه دا ڕیشاژۆ بووه كه تهنانهت ئهو شاعیرانهی لایهنگری ئازادی و مافی ژنانیشن جار و بار كهوتوونهوه داوی بۆچوونی سێكسیستی. كاک ئهمیری حهسهنپوور ده وتووێژێكیدا سهبارهت به بۆچوونی سێكسیستی دهڵێ: "... دهكرێ لهجیاتی "پیاوانه" بڵێین "ئازایانه"، ئێمه ئهگهر وشهی ئاوا سێكسیستیش دهكار نههێنین دژ به ژن، دیسان دهكرێ بۆچوونهكانمان جیاوازیی ژن و پیاوی تێدا بێ، یانی "پیاو" بكاته پێوانهی ههمـوو شتێک. بۆ وێنه ئهمن لهو لێكۆڵینهوهیهی خۆمدا باسی "گوڵی هیوا"ی مامۆستا هێمنم كردووه، لهوێدا توانیومه نیشانی بدهم كه سهرباقی ئهوهی وشهی زۆر سێكسیستیی تێدا نییه، بهڵام بۆچوونهكه سێكسیستییه و له ڕوانگهی پیاوانهوه چاو له "ئهختهر"ی دهكا وهک ژنێكی پێشمهرگه. یانی "ئهختهر" بۆ ئهوهی وهک ژنێكی پێشمهرگه قهبوڵ بكرێ دهبێ وهک پیاوانی لێ بێ. یان كورته شێعرێک به نێوی "سهنگهرێكی نوێ" كه چهند ساڵ لهوه پێش بڵاو بووهتهوه، وشهی سێكسیستیی تێدا نییه بهڵام ئهویش بۆچوونهكهی تهواو سێكسیستییه."(1)
بهڕێز كاک جهعفهری حوسێنپوور(هێدی)
سوتان
کێ وەکوو من خۆشت ئەوێ؟
کێ وەکوو من بۆت ئەسوتێ
رۆژ نیه بۆ بینینت
وانەی یەکەمم نەفەوتێ
نەک بە تەنیا وانەکانم
وا خۆشم ئەفەوتیم،گوڵێ
تۆ وا دیاره هیچ نازانی
کەسێکیش نیه پێت بڵێ
------------
له کازیوەی بەیان ئەچی
ئەم ئێوارەیه چەند جوانی ..
له تابڵۆێکی جوان ئەچی ..
له لەیلا و خاتوو زین ئەچی
یا شیرینی لەوان ئەچی
بێجگه له من چەنی ترت گیرۆده ی ئازار کردوو، وه ؟
ترسی خوات له دڵا نیه
له بێ دین و ئیمان ئەچی
ئەو وەختانەی به نازەوه
خەنده ئەبەخشی به خەڵکی
گزنگ له تو ئەچی؟ یا تو ؟
له کازیوەی بەیان ئەچی .
--
ئەگەر هاتی :
ئەگەر هاتی پێویست نیه له دەرگا بەی
مەگەر تەپەیی پێت ناناسیم ...؟؟!!
گەر بڵەی بۆ من نابی !
با رۆحی دیل و کەساسم
به تاڵێکی پەری خاوتا
له باتی گولی هەڵ واسیم
ئاوازیی خوشه ویستی
وەک باڵندەی که سیره بووی، بەر دەم زریان و رەشه با
وا جنجاڵی و سەختی ژیان ورد ورد عوومرم بۆ خۆی ئەبا
ئەوسا ژیان چەنده جوان بوو ..
که خۆشەویستی رابەر بوو ..
رابردوومان بەو جوانیەوه
گووزەشت چاوەکەم بەسەر چوو
ئەوێستا کەخۆشەویستی :
رەنگه وادەی به سەر چوو بێ ..
له سیمای کەسا نابینرێو
گیانه هەر وەکوو نەبوو بێ ..
وەره ژیان ببەینەوه بەرو خۆشەویستی و جوانی
با نیشتمان به ئاوازیی ئەوین پر کەین له گۆرانی
با تاریکی ناخت نەخوا هەر بۆ تیشکی خور بڕوانه
هەموو دوونیا با درگ بێت
کوا ئەوندەی گوڵێ جوانه
وا تێ مەگه ژیان هەمووی
ناسوور و خەم و ئازاره
ژیان باخێکه به خەونی هیوا و شادی لاله زاره
خۆشم ئەوێی وەک لێم ڕوونه
که تۆش هێنده خۆشمت ئەوێ
بەڵام نە تۆ ئەی درکێنی و
نەمن ئەتوانم پێت بڵێم
مەگەر تەنیا خۆشەویستی ..
دونیایێکی جوان پێک بێنێ
ئەوه عەشقه که ئەتوانێ
مەحاڵ به چۆکا بهێنێ
هۆنراوه:ئیسمایل محەمەد
و خۆزگە
ڕەنگی سووریشت لەبەر دەکرد
.
ئەو فرمێسکی بەسەر کوڵمی سووری دا
هاتنە خوار و
وتی 
گوڵم بۆ سەر گۆڕی خۆشەویستەکەم بۆ گۆڕستانا ئەبرد
.
خەجاڵەت بوومەوەو
گوتم :
بمبوورە ئەو کێ بوو...؟
وتی ئەو خۆشەویستەی
سەری لە ڕێگەی ئازادیی کورد دا بەخت کرد و
تا هەتایەش منی وەفاداری خۆی و خاکی کورد کرد.
وهكوو شێعر وهره بۆ لام
له ههر كاتێكا پێت دهكرێ
ههر شوێنێ خۆت ئهیزانی!
شێعر ناپرسێ من چۆنم
شێعر ناپرسێ من له كوێم!
كه مهیلم بوو دهڵێم وهره
كه پێی خۆش بوو
دهڵێ : وا دێم!
شێعركه دێ؛ وهك باران دێ
له چوار وهرزی ژیانم دا،
دادهبارێ:
دڵۆپ دڵۆپ
خوڕڕهم خوڕڕهم
یان ڕههێڵه
تۆش وهك شێعر وهره بۆ لام
وهكوو شێعریش ،
جێم مههێڵه!
سواره ئیلخانیزاده له کهناره گوماناوییهکانی تۆ دهریامی دا
رامان سۆفی سوڵتانی-بۆکان
۱
پۆلێک هاوڕێی گیانی گیانی بوون،له سهفهری پڕ کارهساتی یهک باوهڕی سهوز و نوێوه دهگهڕانهوه،له چایخانه و پهناو پهسێرهکان دهگهیشتن به یهک و به چاو له یهکیان دهگهیاند:"هاوڕێ شتی تازه چیت نووسیوه؟"ههرکامهیان که زاری دهکردهوه پۆلێ سۆز و چریکهی تازه له قورگیهوه ههڵدهڕژا.باڵیان به سهر یهکتر دا دهگرت و تا شهکهت دهبوون شێعره خهماویهکانیان به گوێی یهکتردا دهچرپاند.ئایهتهکانی پهراوی دڵیان ههر لهوێوه پهرهوازه دهبوون و به شهقهی باڵ و گمه و جریوهیهکی بهیدهست،بێدهنگی ئهندێشهو هزری چاو ترسێن کراویان دهشکاند.
خوزگه چاوم له چاوت بریبایه
...ئه و ساته وه خته ی، "با"
له قه لای لقی داره کانه وه
گه لا له سیداره دراوه کانی،پیشکه ش کردین...
له تاریک و روونی نیگای من و تودا،
نه غمه ی باله نده کان،به ره و نه مان ریگه ده بری
خوریش له بالی چه پی زه ویدا،ئوقره ئه گری و
شه و هیدی هیدی دیته سه ما.
...مه ستی شه رابی سه رابی شه وین و
شه و ئایه تی کوتاییه و
سومای چاوه کانت له چاوه کانمدا،لیل...لیل...
دره وشا نه وه ی لاویم،
بو ته ژیله مویه کی بیده نگ و
خو له میشی به جی ماوی شه راره کانم،
ئامیزی مه رگه ساتمه..
بو نه مان ریگه ئه برم،به و هیزه ی له میژ بوو،ژیانی پی ئه به خشیم،
چاوه کانت هیز ئه گری،پر ئه بی له ئه وین و ئه ویندارتر...
خوشت ئه وی ......ئه وه ی وا پیویسته خوشت بوی.
دیسان چاوهروانى گهرانهوهتم
پاش ههرشتئ كهلهبهرامبهرم نواندت...رووێدا
دووباره...دیسان......دیسان چاوهرِوانتم
چاوهروانى
ههواڵتم
گریانهكانم
قسهكانت
پشت گۆئ دهخهم
لهیادمى دبمهوه
بگهرێوه
ناخۆشترین شت
دردناكترین شت ئازاردارترین
شت
چاوهروانییه
روحى رهوانم
ئارامى گیانم
بگهرێوه
چاوهروانم
چاوهروانى گهرانهوهت
